ثقافة ومعرفة

البرغوثي تكتب عن إضراب الجامعات: من وين جبتو الجسارة؟!

وداد البرغوثي تكتب عن قضية إضراب الجامعات:

من وين جبتو الجسارة
يا حكومة ويا وزارة
تمرجلتو ع النقابات
مش عا حاجز حوارة
*
خسارة يا رئيس النجاح
استخدمتو القضاء سلاح
بالشمع الأحمر والمفتاح
سكرتو هالوزارة
*
خبرنا يا هالرئيس
كيف الغالي صار رخيص
فكرتو القصة تجليس
والنقابة سيارة
*
القضية قضية الحق
فش فيها أي شك
عمر المية ما بتندق
دقيتو وأزعجتو الحارة
*
بأي دستور ومعيار
وأي قانون وقرار
جامعة في الإيد اليسار
وفي اليمين الوزارة
*
تمرجلتو على العمال
وخيبتو كل الآمال
جبتو القائم بالأعمال
لا شخصية ولا جدارة
*
خسارة يا رامي الحمدالله
بتتحكم في عباد الله
بتشهد محاكم رام الله
لا تنسى الدنيا دوارة
*
للوزارة بتستغل
تخلي القوة فوق الكل
والقضاء “المستقل”
بجيبك هيك الشطارة
*
احنا جماعة ما نطاطي
حيط النقابة مش واطي
واجهنا حي ومطاطي
تحدينا جيوش الجرارة
بكفي زهقتونا عيشتنا

إلى الأعلى